LOS CONSEJEROS DE LOS PARTIDOS POLÍTICOS TENDRÁN VOZ EN LAS COMISIONES MUNICIPALES

ZUMAIA. DV. El pleno ordinario del Ayuntamiento celebrado e pasado jueves aprobó con la participación de consejeros de los partidos políticos en las comisiones informativas del Ayuntamiento. La propuesta de la Junta de Gobierno contó con los votos a favor de EA, ANV, PSE-EE y EB-Aralar, mientras que los ediles del PNV optaron por la abstención.

DV


Según la propuesta aprobada cada partido o coalición con presencia en el Ayuntamiento de Zumaia podrá elegir dos representantes con los que participar en las comisiones informativas. Estas personas podrán opinar y presentar propuestas, pero no tendrán derecho a voto.
El portavoz de ANV defendió la propuesta señalando que se trata del primer paso para impulsar la participación ciudadana en el funcionamiento del Ayuntamiento. Según afirmaron, los concejales tienen que tomar parte en comisiones en las que por diversos motivos son incapaces de presentar nada nuevo. Con esta medida, según los ediles de ANV, los representantes podrán aportar «ideas frescas». Desde este partido se lanzó la invitación a los ciudadanos para que se acerquen al Ayuntamiento y mostren su deseo para participar en estas actividades.
El alcalde Iñaki Agirrezabalaga puntualizó que con esta medida, más que impulsar la participación ciudadana, se garantiza la participación de las propias fuerzas políticas en la vida municipal. El portavoz de Eusko Alkartasuna recordó que los presupuestos municipales para 2008 incluyen una partida para promover la participación de los zumaiarras.
Los concejales del PNV fueron los únicos que no votaron a favor de la propuesta, optando por la abstención. Según afirmó su portavoz, a través de esta propuesta únicamente se logra triplicar la opinión de los partidos en las comisiones, y no la participación ciudadana. María Eugenia Arrizabalaga puso en duda el propio carácter de las comisiones informativas dado que, según afirmó, han sabido de muchos temas a través de los medios de comunicación y no en las comisiones.

Irakurri

ARGITARATUTAKO PRENTSA-OHARRARI ERANTZUNEZ


"Hainbat proposamen aurkeztu ditugu aurrekontuak hobetzeko asmoz; bidegorri gehiago, etxebizitza publiko gehiago, eguzki panelak, garraio publikoa, eta hiritarren partaidetza sustatzea izan dira gure proposamenak."

Baleike



Martxoaren 26ko Plenoan EB-Aralarreko Cristina Forcadak irakurritako hitzak dira. Horrela azaldu zuen 2008ko aurrekontuei emandako aldeko botoa.
Aurrekontuaren edukia aztertu ondoren bidegorrietarako 90.000 eurotako partida urri bat besterik ez genuen topatu (mantentze lanetarako izan beharko, bidegorri berriak egiteko ez bait da nahikoa), orain bi urte aprobatu genituen Puntanueta II-ko lehen 186 etxebizitza publikoetaz aparte ez genuen beste bat bera aurkitu. Ez genuen eguzki-plaka bat beraren ez eta garraio publikoari buruzko aipamenik ikusi. Eta, jakina, 2008ko aurrekontua ez dute herritar-partaidetzaren aldetik homologableak diren teknikak erabiliz gauzatu.
Orain berriz EB-Aralarrek esaten duenez beren baiezkoaren arrazoietariko bat Zumaia Lantzen-en kudeaketarako kontrotazio prozedura abian jarri izana da. Izan bedi ongi etorria. Baina aipamen honetaz aparte, ez dugu prozedura horren inolako konstantziarik.

Diotenez, aurrekontua "kontinuista" dela aitortu ondoren ezin omen dugu txarra denik esan. Argitu nahi dugu: 2008ko aurrekontuak "kontinuistak" dira EAJ-ak martxan jarri zituen proiektuak gauzatzearekin konformatzen diren neurrian. Eta gainera txarrak dira ez bait dute proiektu berririk jasotzen eta diru-kontu publikoen desoreka ekartzen dutelako.
Bidegorritarako partida 30.000 eurotik 90.000 eurotara igotzea, ez da itxura batetara, asko harrotzeko moduko lorpena. Baina hori norberaren exijentzia mailaren arabera geratzen den kontua da.
Eguzki-plakeei dagokienez... EAJak EVErekin sinatu zuen hitzarmenaren bitartez eraikin publikoen azterketa egin zen, plakak jartzeko egokiera aztertuz. Hitzarmen haren ondorioz EAJak kiroldegiko eguzki-plaken instalazioa lortu zuen, 2007ko maiatzean bukatutakoa: ordurarte Euskadi osoan eginiko haundiena, 600.000 eurotik gorako inbertsioa. Poz hartzen dugu oraingo udal-ekipoak hildo beretik jarraitzeko asmoa duela irakurrita. Udal Batzordeetan ez dute oraindik orain horren aipamenik egin.
Eta bukatzeko, egia da 800 eskaera egon dela eskaini diren BOEtarako (Oikia, Ardantzabide, Puntanueta 44, denak EAJren lanaren ondorio). Beraz egia da arazo latza dagoela. Baina begibistakoa da EAJren udal gobernuek orain arte 350 etxebizitza publiko baino gehiago jarri dituztela herriko beste hainbeste familiaren esku, eta datozen urtetan Puntanuetan eraikiko diren 250tik gora horiek ere EAJ-ak utzitako herentzia direla. Ezin esan EAJak eginikoa gaizki egina egon denik. Hala ere aitortzen dugu, bai, guk ere izan ditugula gure mugak, ezin izan dugula zumaiar guztientzat irtenbidea asmatu. EAJ-ko kideak errealistak gara; beste batzuk demagogia hutsera dedikatzen diren bitartean.

Irakurri

UNA SINCERA AUTOCRÍTICA… COMPARTIDA

Desde nuestras respectivas responsabilidades en Ezker Batua-Berdeak y procediendo de diferentes tradiciones de la izquierda vasca, queremos hacer pública nuestra adhesión a la autocrítica publicada por diferentes miembros de nuestra organización.

Noticias de Gipuzkoa

Irakurri

AURREKONTUEN INGURUKO OHARRA PLAZARATU DU EB-ARALARREK

Ezker Batua-Aralarreko zinegotziek ohar baten bitartez nabarmendu dute Zumaiako aurrekontuak EAJrekin ezinezkoa zen negoziaketa politikoaren emaitza direla.

Baleike



Oharrak honela dio:

Ezker Batua/Aralarreko zinegotzi zumaiarrek, Cristina Forcadak eta Xabier Olaizolak, ziurtatu egin dute Zumaiako udal-aurrekontua Ezker Batua/Aralar toki-taldearen eta gaur egungo gobernu-taldearen negoziaketa politikoaren emaitza direla. Izan ere, aurreko legealdietan ez bezala hitz egin ahal izan dugu, EAJrekin "ez genuelako ezer negoziatzeko aukerarik eduki".

Forcadak eta Olaizolak azaldu dutenez, aurrekontua negoziatzeko prozesuan faktore askok izan dute eragina. Esate baterako, "Zumaia Lantzen kudeaketarako lehiaketa" jarri da abian, sortu zenetik EAJrekin lotuta dagoen enpresa batek kudeatzen duelako. Bere garaian, ez zegoen besterik, antza.

"EAJren ustez, udal-aurrekontuak kontinuistak eta txarrak badira, gogorarazi egin beharko diegu aurreko aurrekontu guztiak euren taldeak aurkeztu eta onartu zituela. Kontinuistak izateagatik, udal-kontu hauek txarrak badira, EAJk egindako aurreko aurrekontuak ere txarrak ziren", adierazi dute.

Horrez gain, EB-Aralarreko zinegotziek nabarmendu egin dute aurrekontuaren zirriborroan bidegorrietarako 30.000 euro agertzen zirela eta, negoziaketaren ondoren, diru-kopuru hori 90.000 eurora igo dela.

Bestetik, salatu egin dute EAJren agintepean eraiki berri den udaletxeak eguzki-plakarik ez duela. Erreklamazioak jarri ditugun bakoitzean jeltzaleek erantzun digutenez, ez jartzeko "arrazoi teknikoak" egon omen dira.

"Orain, gaur egungo gobernua Energiaren Euskal Erakundearekin jarri da harremanetan, udal-eraikin guztietan aurrezki iraunkorrerako sistemak jartzeko (udaletxea, kiroldegia, udaltzaingoa, herri-ikastetxea...)", azaldu dute Forcadak eta Olaizolak.

Ezkerreko koalizioko zinegotziek adierazi dutenez, ez dute onartzen EAJk etxebizitzari buruzko ikasbideak ematea. Hain zuzen ere, oso gogoan daukate "EAJren agintepean babes ofizialeko etxebizitzak Puntanuetara eramatea onartu zela, Torreagan eraiki behar baziren ere. Bestetik, ezin ditugu San Migeleko txaletak ahaztu, ez dutelako inolako gutxieneko iraunkortasun-irizpiderik. Era berean, EAJko bozeramailearen kudeaketa hain ‘zoragarria' izan denez, etxebizitza publikoaren 800 eskatzaile daude irtenbidearen zain.

"Bestetik, ez dugu ezkutatu nahi Kutxako Batzarrerako ordezkaritza negoziatu genuela aurrekontuaren negoziaketaren esparruan. EAJk batzar horretan dituen ordezkarien kopurua murriztean, finantza-erakundea egurastu da", azaldu dute Forcadak eta Olaizolak. Gainera, euren esanetan, "batzar horretan parte hartzeko eskatu dugun arte, EAJk ez du inoiz azaldu udalak, txandaka, ordezkaritza duela Kutxan".

EB-Aralarreko zinegotziek adierazi dutenez, "oraingoan, geuk baino ez du Kutxarako hautagaitza aurkeztu, baina badirudi EAJkoak baino ezin direla izan Zumaiako ordezkariak".

Irakurri

UDAL AURREKONTUEI EMANDAKO EZEZKOAREN ARRAZOIAK AZALDU DITU EAJK

Besteak beste, ez dagoela inbertsio berri aipagarririk eta gastuak sarreren gainetik igo izana kritikatua dute jeltzaleek

Baleike

Irakurri

Cristina Forcada izango da Udalaren ordezkari Kutxaren batzarrean

Baleike

Aurten Zumaiari kontseilari bat dagokio Kutxaren batzarrean; Cristina Forcada (EB) izendatu du plenoak Udalaren ordezkari eta Xabier Olaizola (Aralar) lehen ordezko

Kutxaren batzarrean kontseilari izateko hautagaitza bakarra aurkeztu zen udal plenoan, Cristina Forcadarena, hain zuzen ere. EB-Aralarren eta ANVren aldeko botoekin onartu zen hautagaitza. PSEk abstentzioa eman zuen, EAk bezalaxe. EAJk aurkako botoa eman zuen.

Hautagaitzaren berri plenoa egin baino pare bat ordu lehenago izan zutela salatu zuten EAJko zinegotziek, eta aurrekontuei baiezkoa ematearen truke egindako tratua zela iradoki. Gipuzkoako EAk eta EAJk postu horietarako elkarri botoa emateko duten tratua hautsi izana leporatu zion Maria Eugenia Arrizabalagak alkateari. Honek ukatu egin zuen inolako traturik hautsi izana.

Irakurri

UDAL GOBERNUAK AURRERA ATERA DITU 2008KO AURREKONTUAK, EB-ARALARREN ALDEKO BOTOEKIN


Udalaren aurrekontu propioa 13.767.634 eurokoa izango da, iazkoa baino %23,88 handiagoa. Aurreikusitako defizita 2.017.532 eurokoa da.

Baleike


Udal Gobernua eta EB-Aralarren arteko "azken uneko" akordio bati esker onartu dira 2008ko udal aurrekontuak gaur iluntzean egindako ez ohiko plenoan. EAJk eta PSEk aurka bozkatu dute. Jeltzaleen iritziz, zorpetzera daramatelako eta inbertsio berri azpimarragarririk ez dutelako;sozialistek, politikoki onartezina iruditzen zaielako "terrorismoa kondenatzen ez duen alderdi baten aurrekontuei baiezkoa ematea". Gero gaineratu dute aurrekontua "birtualak" iruditzen zaizkiela, ez direlako bideragarriak. Udal Gobernuak defenditu du pertsonengan inbertitzen duten aurrekontuak direla.

EAJren iritziz, aurrekontuetan jasotzen diren inbertsiorik garrantzitsuenak beraiek martxan jarritakoak dira, eta horiek onartuta gelditu dira Zumaia Lantzenen aurrekontuetan, aho batez. Hortik aurrera, Udalaren aurrekontu propioan ez dute azpimarratzeko moduko inbertsiorik ikusi. "Ez dago proiektu berririk; bakarra, Narrondorainoko oinezkoentzako bidea, eta hori gure hauteskunde programan jaso genuen", esan du Maria Eugenia Arrizabalaga bozeramaleak. Bestetik, salatu dute inbertsioak berez ez direla igo, jaitsi baizik: "Inbertsioen atalean %24ko igoera ageri da 2007arekiko. Hori nola, lortu da? Iaz Zumaia Lantzeneko aurrekontuetan zegoen lurra erosteko partida Udalaren aurrekontu propiora ekarriz, 1,1 milioi euro hain zuzen ere".
Horrez gain, gastu arruntak sarrerak baino askoz gehiago igo direla kritikatu dute, eta horrek mailegua eskatzera behartzen duela Udala, "zertarako eta gastuak igo eta inbertsioak jaisten dituen aurrekontu baterako". Ohartarazi dute bide hori ez dela eramangarria, ekonomia ondo doan bitartean ez dagoela arazorik, baina Aldunditik jasotzen den dirua etorkizunean jaitsi egin daitekeela ekonomia moteltzen bada.

PSEko zinegotziek ez dute aurrekontuen azterketa ekonomikorik egin, eta zuzenean argudio politikoak eman dituzte. Onartezina zaiela "terrorismoa gaitzesten ez duen alderdi baten aurrekontuen alde bozkatzea", eta zuzenean ANVko Andoni Etxanizi galdetu diote ea ETAren atentatuak kondenatzen ote dituen. Gainera, Udaleko beste alderdiei gonbitea luzatu diete gauza berbera egiteko.

EB-Aralarreko kideek nabarmendu dute azken orduko akordioa izan dela. Besteak beste, bidegorri gehiago, babestutako etxebizitza gehiago, eguzki plaka gehiago eta herritarren parte-hartzea areagotzea eskatu dutela adierazi du Cristina Forcadak. Bide batez, ANV Zumaian alderdi legala dela ohartarazi diote PSEri eta beste alderdiekin bezala hitz egin daitekeela beraiekin. Gaineratu dute beraiek atentatu guztiak kondenatzen dituztela.

Aurreko 24 urteetan egindako politika ezin dela urtebetean aldatu erantzun dio Andoni Etxanizek (ANV) EAJri. "Auzo asko kaskartzen joan dira ez delako inbertsiorik egin. Orain urtebetean dena egin behar al dugu?". Jadarre hiru fasetan egingo dela gogorarazi du, Basustabide auzoan ere berritze lanak egingo direla, eta Narrondorainoko oinezkoen bidea bi urtetan egingo dela: "2008an errepideko biribilguneraino eta 2009an Narrondoraino". EAJri leporatu dio aurrekontuei egindako zuzenketa guztiak hirigintza arlokoak izan direla, beste ataletan ez dutela proposamenik egin. Eta gastuen igoera defenditu du: "Guk inbertsioa beste modu batera ulertzen dugu, pertsonetan inbertitu behar dela pentsatzen dugu". Horrela arrazoitu du pertsonaleko gastuaren igoera -lanpostuak ere sortuko dira, gizarte zerbitzutan, udaltzaingoan eta hirigintzan-.
PSEk egindako galderari dagokionez, gauzak ez nahasteko eskatu die. "Terrorismoa ez omen da erabili behar politika egiteko; ETAk egiten duena egiten duela politika egin behar omen da. PSEk ez du hori egin. Askotan esaten du Emilianok Udalean herriko politikaz jardun behar dela beste arazoak alde batera utzita".

Iñaki Agirrezabalaga alkateak (EA) defenditu du inbertsio berriak etorriko direla planak gauzatzen direnean, eta diru sarrera propioak %4 bakarrik igo direla zergak KPIa baino ez igotzeko konpromisoa hartu zutelako.

Irakurri